日期及時間：2026年10月25日 11:00 – 17:00
地點：綠在屯門（屯門龍澤路5號（鄰近龍門居巴士總站））
費用：免費
候鳥尋蹤樂遊日🦜🗺️
「啾啾~」「喳喳~」
各位街坊請注意，一班珍貴嘅「神祕訪客」正準備喺香港降落啦✈️！
踏入秋季🍂，大量候鳥會南下過冬❄️，於香港嘅溼地、農地或林地尋找食物及棲息處，亦有過境遷徙鳥會短暫停留以作能量補給。但由於棲息地持續受發展及污染影響，香港嘅候鳥數目正逐漸減少⬇️。爲咗令候鳥及其他生物得以生生不息，我哋必須有效保護佢哋嘅棲息地🌎。
今個10月份，我哋「綠在屯門」將配合「世界候鳥日」🦅，爲大家準備咗
#候鳥尋蹤樂遊日 ，透過展覽、攤位遊戲及工作坊等方式，同大家尋找香港常見候鳥嘅蹤影🦤、 認識雀鳥生態環境🌳、鳥類遷徙所面對嘅重重挑戰，以及觀鳥時嘅注意事項💡!
快啲約埋親友一齊嚟玩啦！😆 小編喺到提提大家，喺郊遊時緊記
#自己垃圾自己帶走，保持環境清潔，愛護大自然~
「上一堂．儲一分」積分計劃
而家參加嘉年華仲可以儲分換禮物㗎‼️ 只要於一場嘉年華中參與最少兩項活動；或於一場二手物收集活動中提交不少於2公斤二手物，並即場與當值職員完成登記，即可獲得1分「額外賞」積分✨ 每階段累積滿2分「額外賞」積分，即可換領禮品！
*每階段需要儲滿至少3分「基本獎勵」積分後，先可以解鎖「額外賞」獎勵
快啲Mark低以下日子✍，玩完仲可以儲分換禮物添🥳，到時見喇！😉
⚠注意事項：
1. 如有發燒或身體不適，請避免前往「綠在屯門」。
2. 活動期間需按職員指示排隊輪候。
3. 8歲或以下兒童須由家長陪同參與工作坊，並共同完成同一份製成品。
4. 環保工作坊材料由「綠在屯門」提供，活動採用即場報名方式（先到先得，額滿即止）；每名參加者須親身在指定位置排隊等候，並依照排隊次序進行報名。
5. 每節工作坊會於活動前20分鐘開放排隊輪候及報名。
6. 免費二手物市集只會派發，不會進行收集活動。
