本地男装品牌为庆祝新店盛大开幕，特别邀请到兼具时尚魅力的 Jeffrey（魏浚笙）担任剪綵嘉宾。Jeffrey 当日型格上阵，吸引大批粉丝到场支持。他笑言自己平日十分钟情买衫，更透露有计划进军时装界：「我自己好钟意买外套，因为可以衬好多唔同嘅衫。件件衫我都会再著，从来都唔会著一次就要即刻换款。」问到若将来创立个人品牌，会否找艺人好友撑场做模特儿？他笑指：「咁又冇谂咁多㖞，如果真係落实去做，到时可能会再谂 marketing 上面点样配合。」
近日 Jeffrey 在 ViuTV 及 HOY TV 主演的电视剧接连播出，形成「紧接播出」的局面，他笑言希望粉丝多看电视：「咁咪多啲睇电视啰！其实最希望大家多啲工作机会。有唔同嘅工作开拍，对演员同工作人员都好，一齐有得开工係一件好开心嘅事。」至于想不想接拍更多剧集？他坦言：「我觉得拍咩都要谂多啲，因为咁样可以畀自己多啲演绎机会；对于角色嘅研究同演绎层面，亦会多咗唔同嘅感觉同层次。」魏浚笙亦十分感激导演的赏识，坦言能参与剧集拍摄，令自己获得不少宝贵的训练机会。
(编辑：焯羚)
